Grazas colaboradoras, colaboradores...
amigos que nos acompañástedes a abrir esta nova etapa de uqui.net. Non hai mellor maneira de explicar algo que tes na cabeza que darlle forma e velo plasmado... é unha sensación moi grata e positiva e permite avanzar, seguir probando, apuntalar o aprendido, e continuar arriscando.
Así é como sentimos en uqui a experiencia da tarde pasada, démoslle forma as bases dunha maneira de traballar e de ser. Non podiamos estar mellor acompañados, axiña notouse a empatía e fluíron as ideas, os proxectos e as colaboracións. Destacar o bo facer dos panadeiros Moscoso Moure que nos sorprenderon deliciosamente e da artista Janet Novás que construíu unha peza irrepetíbel.
Expóñome para asumir e experimentar ese encontro entre realidade e ficción, para equivocarme e reforzarme no 'erro'. Creo este marco para visibilizar os intereses que me moven como creadora, así como para reflexionar sobre os mesmos. Janet Novás
