Entrecruzar

Entrecruzar é unha publicación nacida no marco de Proxecto-Edición. Realizáronse tres edicións, cada unha variando en formato e contido, pero sempre traballando sobre o tema do territorio e os espazos públicos. Así, Entrecruzar 1 foi unha obra colectiva con intervencións de escritores, artistas, comisarios, deseñadores e outras persoas que naquel tempo estaban a traballar sobre o tema en Galicia. Entrecruzar 2 é unha colección de carteis que abriu o espectro de colaboradores ao ámbito internacional. Entrecruzar 3 plantexouse como unha investigación sobre as feiras (territorios comerciais efémeros) a través dunha conta colectiva de flickr para recoller material gráfico e máis a elaboración dun documental de vinte minutos filmado por Marta Piñeiro. Gráfica expositiva. [Ver máis]