Creación dunha campaña promovida pola Concellaría de Igualdade do Concello de Compostela para o 25 de novembro, Día Internacional Contra a Violencia de Xénero. Unha acción capaz de crear redes e implicación social contra as violencias machistas.

O propio proceso de organización e dirección de arte formaba parte da campaña e logrou a implicación de máis de 300 comercios e axentes sociais da cidade, espazos e persoas cubertas de negro en sinal de loito e convertidos en altofalantes da acción durante unha semana.

A campaña tamén logrou un efecto viral nas redes sociais, canle moi ligada á vertente offline da acción.